2022 թվականի հոկտեմբերի 31-ի դրությամբ Վրաստանում գործող առևտրային բանկերում Ռուսաստանի Դաշնության քաղաքացիների հաշվեհամարների ընդհանուր գումարը կազմում է 2,4 մլրդ լարի։

Վրացական բանկերում Ռուսաստանի քաղաքացիների ներդրած գումարի չափն ավելին է, քան, օրինակ, Թբիլիսիի 2023 թվականի բյուջեն։

Վրաստանում գործող առևտրային բանկերում Ռուսաստանի Դաշնության քաղաքացիների հաշիվների, որոնց վրա դրական մնացորդ է գրանցվել 2022 թվականի հոկտեմբերի 31-ի դրությամբ, ընդհանուր թիվը կազմում է 147 հազար 412:

Այս հաշիվների կեսից ավելին՝ 87 հազար 589-ը, բացվել են 2022 թվականի մարտից նոյեմբերի 1-ը՝ Ուկրաինայում Ռուսաստանի սանձազերծած պատերազմից հետո։

Ի դեպ, Վրաստանի ազգային բանկը նշել է, որ հաշիվների թիվը կարող է ճշգրիտ չհամընկնել վրացական բանկերում հաշիվներ բացած Ռուսաստանի քաղաքացիների թվին՝ հաշվի առնելով այն հանգամանքը, որ կոնկրետ քաղաքացին/իրավաբանական անձը կարող է մեկից ավելի հաշիվ բացել տարբեր բանկերում։