Վրաստանում ֆերմերների աջակցության պետական ծրագրի շրջանակներում կառավարությունը 35 միլիոն լարիից ավելի գումար է ծախսել:
Վրաստանի ձմեռային հանգստավայրերում շուրջ 500 թափուր աշխատատեղեր կներկայացվեն այս շաբաթ Թբիլիսիում կայանալիք աշխատանքի ֆորումում։
Եվրահանձնաժողովի արտաքին գործողությունների ծառայության մամուլի խոսնակ Պիտեր Ստանոն Twitter-յան իր միկրոբլոգում գրել է, որ Վրաստանի կառավարությունը պատասխանատու է Վրաստանի երրորդ նախագահ, այժմ անազատության մեջ գտնվող Միխեիլ Սաակաշվիլիի առողջության և բարեկեցության համար:
Վրաստանում Եվրամիության դեսպան Պավել Հերչինսկին հույս է հայտնել, որ Վրաստանն արագ առաջ կգնա Եվրամիությանն անդամակցելու ճանապարհով:
Վրաստանի երրորդ նախագահ, այժմ անազատության պայմաններում գտնվող Միխեիլ Սաակաշվիլիի փաստաբաններից Իլիա Լոմիան՝ «Վիվամեդ» կլինիկայում երրորդ նախագահին այցելելուց հետո, ասել է, որ Սաակաշվիլին ցանկանում է մասնակցել այսօրվա դատավարությանը։
Թբիլիսիի փոխքաղաքապետ Իրակլի Խմալաձեն հայտնել է, որ Թբիլիսիի «Վարկեթելի» մետրոյի վերականգնման շուրջ բանակցություններ են ընթանում երկու ընկերության հետ, որոնցից մեկը թուրքական է։
Վրաստանի պետական անվտանգության ծառայության (ՊԱԾ) փոխանցմամբ, ՊԱԾ հակաահաբեկչական կենտրոնը, հակաահաբեկչական գործունեության ընթացքում ձեռք բերված ապացույցների հիման վրա, Թբիլիսիի միջազգային օդանավակայանում ձերբակալել է Վրաստանի քաղաքացի Ցիսկարա Տոխոսաշվիլիին։
Թբիլիսիի քաղաքապետ Կախա Կալաձեն հայտնել է, որ Թբիլիսիի 2023 թվականի բյուջեի նախնական տարբերակն արդեն ուղարկվել է սակրեբուլո. գումարը կազմել է 1,632 միլիարդ լարի:
Եվ վերջում՝ մինչև դեկտեմբերի 13-ը Արևմտյան Վրաստանում սպասվում է տաք և հիմնականում առանց տեղումների եղանակ:
