Վրաստանում Ուկրաինայի դեսպանատան հաղորդմամբ` մեկ ամիս առաջ իրենք դիմել են Վրաստանի կառավարությանը՝ գեներատորների ու տրանսֆորմատորների հարցում օգնության խնդրանքով, բայց պատասխան չեն ստացել։
«Ուկրաինան ներկայումս աջակցության խիստ կարիք ունի էներգետիկ համակարգի, գեներատորների և տրանսֆորմատորների վերականգնման առումով՝ հիվանդանոցների, տների, դպրոցների լուսավորությունն ապահովելու նպատակով:
Մեկ ամիս առաջ մենք համապատասխան խնդրանքով դիմել ենք Վրաստանի կառավարությանը և, ցավոք, մինչ օրս դրական պատասխան չենք ստացել»,- դեկտեմբերի 6-ին հայտարարել է Ուկրաինայի դեսպանությունը։
Նշենք, որ Ուկրաինայի մայրաքաղաք Կիևում, որը պարբերաբար ռմբակոծվում է ռուսական հրթիռներով և անօդաչու սարքերով, սառնամանիքների սկսվելուն զուգահեռ` հավաքվում են գեներատորներ և տրանսֆորմատորներ։
Ի դեպ, Ուկրաինայի գործընկեր երկրները գեներատորներ և տրանսֆորմատորներ են մատակարարում Ուկրաինային, որն այժմ կանգնած է հումանիտար աղետի ակնհայտ սպառնալիքի առաջ։
Ուկրաինայի գործերի ժամանակավոր ներկայացուցչի հետ հանդիպումը չեղարկվել է
