«Էնգուրհես»-ի տեխնիկական տնօրեն Գիա Խուբուայի խոսքով, «Էնգուրհես»-ի ջրամբարում ջրի մակարդակը իջել է նախագծային նվազագույնից. ձմեռային պաշարն ամբողջությամբ սպառվել է:
Ըստ նրա՝ առաջին անգամն է, որ սա տեղի է ունենում այդքան վաղ. պատճառը էլեկտրաէներգիայի պահանջարկի մշտական աճն է։
«Ջրառատ տարի չէր, բայց սակավ տարի էլ չէր, երկու գործող ՀԷԿ-երում էլ տարեկան միջինից ավելի շատ էլեկտրաէներգիա ենք արտադրել՝ տարեվերջին ընդհանուր թիվը կգերազանցի 4,5 մլրդ կՎտ/ժ-ը։
Չորս ամսվա ընթացքում էլեկտրաէներգիայի հիմնական աղբյուրը ջերմային բլոկներն ու ներմուծումն են լինելու»,- նշել է Խուբուան։
