Իտալական «Նապոլի» ֆուտբոլային ակումբը չի պատրաստվում ձմեռային տրանսֆերային սեզոնի ընթացքում վրացի ֆուտբոլիստ Խվիչա Կվարացխելիային այլ ակումբ ուղարկել։
Նեապոլյան ակումբի մարզական տնօրեն Կրիշտիանու Ջյունտոլիի խոսքով, Կվարացխելիան շատ լավ է կատարում իր վրա դրված պարտականությունը։
«Նա փայլուն է խաղում։ Միաժամանակ նա իրեն հիանալի է զգում ակումբում, և այս փուլում նրա տրանսֆերի մասին խոսելն ավելորդ է։ Տրանսֆերային հարցերի մասին չենք էլ մտածում, քանի որ դրա կարիքը չկա։ Նապոլիում այժմ փոխելու կամ շտկելու ոչինչ չկա»,- ասել է Ջյունտոլին։
Ի դեպ, Կվարացխելիան «Նապոլի» է տեղափոխվել այս տարվա ամռանը։ Վերջերս մի շարք աղբյուրներ հայտնել են, որ 21-ամյա վրացի խաղացողին գնելու ցանկություն ունեն համաշխարհային ֆուտբոլային հսկաները, այդ թվում՝ «Ռեալը», «Մանչեսթեր Սիթին» և այլն:
