Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարարության տվյալներով, 2022 թվականի սեպտեմբերի դրությամբ Վրաստանում «Ճգնաժամային երեխաներ ունեցող ընտանիքների օգնության ենթածրագրից» օգտվել է 2 934 ընտանիք։

Նախարարության փոխանցմամբ, այս ընտանիքներում երեխաների ընդհանուր թիվը 7 332 է։

Հարկ է նշել, որ «Ճգնաժամային երեխաներ ունեցող ընտանիքներին աջակցության ենթածրագիրը» նպատակ ունի բավարարելու աղքատության և/կամ ճգնաժամի մեջ գտնվող երեխաներ ունեցող ընտանիքների առաջնային կարիքները, նվազեցնելու երեխաների լքման ռիսկը և նպաստելու երեխաների ընտանեկան միջավայրում դաստիարակությանը։

Նման ընտանիքները, ըստ իրենց բնակության վայրի, օգնություն ստանալու համար պետք է դիմեն Սոցիալական ծառայությունների գործակալության տարածքային ստորաբաժանումներ։ Սոցիալական ծառայության գործակալության տեղեկատվության համաձայն՝ մեկ ընտանիքին մատուցվող ապրանքների/ծառայությունների արժեքը չպետք է գերազանցի 800 լարին։