Վրաստանից չվերահսկվող Հարավային Օսիայում փորձում են գումար գտնել ՌԴ նախագահ Վլադիմիր Պուտինի անունը կրող փողոցի բարեկարգման համար։ Սրա մասին դե ֆակտո նախագահ Ալան Գագլոևին հայտնել է Հարավային Օսիայի դե ֆակտո վարչակազմի ղեկավար Գենո Կաջաևը։

«Հարավային Օսիայում՝ Պուտինի փողոցում, մինչև տարեվերջ ճանապարհի անավարտ հատվածի խնդիրը պետք է լուծվի, ֆինանսավորման սղության պատճառով փողոցում հնարավոր չէ շինարարական և բարեկարգման աշխատանքներ իրականացնել»,- ասել է Կաջաևը։

Հարավային Օսիայում կենտրոնական, նախկինում Մոսկվայի անունը կրող փողոցներից մեկը 2019 թվականին Ռուսաստանի նախագահի պատվին անվանակոչվել է Պուտինի անունով: