Վրաստանի ընդդիմադիր «Մթավարի արխի» հեռուստաընկերության (ՀԸ) նախկին հաղորդավար Լաշա Նակաիձեի նկատմամբ խափանման միջոց է կիրառվել կալանավորումը. որոշումը հրապարակել է Թբիլիսիի քաղաքային դատարանի դատավոր Ջեմալ Կոպալիանը
Նշենք, որ Նակաիձեն մեղադրվում է բռնաբարության, բռնության և սպանության սպառնալիքների համար:
Նակաիձեի դեմ դատական նիստն ընթացել է դռնփակ: Դատախազը միջնորդություն է ներկայացրել Նակաիձեի նկատմամբ որպես խափանման միջոց կալանքը կասեցնելու մասին. պաշտպանական կողմը միջնորդել է գրավ կիրառել։
Դատախազի խոսքով՝ մեղադրյալը չի ընդունում հանցանքը։
Նակաիձեն ձերբակալվել է օգոստոսի 16-ին` տուժողի դիմումի հիման վրա։ Նա մեղադրվում է գենդերային անհանդուրժողականության հիմքով բռնաբարության և սպանության սպառնալիքների համար։
Նակաիձեի դեմ քրեական գործ է հարուցվել երեք հոդվածներով՝ 126-րդ հոդվածի առաջին մասով (ընտանեկան բռնություն), 137-րդ հոդվածի առաջին մասով (ընտանիքի անդամի նկատմամբ բռնաբարության փորձ) և 151-րդ հոդվածի «դ» հոդվածի երկրորդ մասով (սպառնալիքներ ընտանիքի անդամի դեմ):
«Մթավարի արխին» դադարեցրել է հաղորդավարի հետ համագործակցությունը
