Վրաստանի կողմից չվերահսկվող Աբխազիայի դե ֆակտո նախագահ Ասլան Բժանիայի խոսքով՝ Վրաստանը չի հրաժարվում տարածքային ամբողջականության վերականգնումից, բայց, քանի դեռ Աբխազիան և Ռուսաստանը դաշնակիցներ են՝ Աբխազիային ոչինչ չի սպառնում։
Խոսելով Աբխազիայի ռազմական անվտանգության մասին` Բժանիան ասել է, որ Աբխազիայի դե ֆակտոր զինված ուժերի և Ռուսաստանի զինված ուժերի հետ շարունակական կապով անվտանգութունը երաշխավորված է։
Նրա խոսքով, Ռուսաստանի 7-րդ ռազմաբազան և Աբխազիայում տեղակայված դե ֆակտոր Անվտանգության դաշնային ծառայության սահմանային վարչությունը մշտապես զինված են մի քանի հազար զինվորով:
«Եթե նրանք չլինեին, պատկերը խղճուկ կլիներ։ Ոչ այն պատճառով, որ մենք վախենում ենք որևէ մեկից: Մենք չենք վախենում, քանի որ ճիշտ ենք, բայց աշխարհում շատ բան է փոխվում, իսկ ռևանշիստական տրամադրությունները ոչ մի տեղ չեն գնացել», — ասել է Բժանիան:
Բժանիան նաև նշել է՝ Վրաստանի պաշտպանական բյուջեն ավելի մեծ է, քան Աբխազիայի ընդհանուր «պետական բյուջեն», և Վրաստանը չի հրաժարվում վերականգնել այն, ինչ համարում է իր «տարածքային ամբողջականությունը»։
