Ամերիկայի Միացյալ Նահանգներում Վրաստանի դեսպան Դավիթ Զալկալիանին հանդիպել է ԱՄՆ Պետդեպարտամենտի խորհրդական Դերեկ Շոլի հետ։ Զրույցի ընթացքում կողմերն ընդգծել են Վրաստանի և ԱՄՆ-ի միջև ռազմավարական գործընկերության կարևորությունը և հաստատել իրենց պատրաստակամությունն ակտիվորեն աշխատելու դրա հետագա խորացման ուղղությամբ։

«Ամերիկյան կողմը ողջունել է Ադրբեջանի և Հայաստանի արտաքին գործերի նախարարների առաջին պատմական հանդիպումը Թբիլիսիում»,- ասվում է ԱՄՆ-ում Վրաստանի դեսպանության պաշտոնական հաղորդագրության մեջ։

Կողմերը քննարկել են տարածաշրջանում ընթացող իրադարձությունները, Վրաստանի եվրոպական հեռանկարը և 2008 թվականի օգոստոսյան պատերազմի 14-րդ տարելիցին օկուպացված տարածքներում ստեղծված բարդ իրավիճակը։

Հաղորդագրության համաձայն, հանդիպմանը ամերիկյան կողմը ևս մեկ անգամ հաստատել է ԱՄՆ-ի աջակցությունը Վրաստանի ինքնիշխանությանն ու տարածքային ամբողջականությանը։

Դեսպան Դավիթ Զալկալիանին իր երախտագիտությունն է հայտնել վրաց-ամերիկյան գործընկերության 30 տարիների ընթացքում ԱՄՆ-ի կարևոր ներդրման և աջակցության համար ՝ եվրաատլանտյան ինտեգրման, ժողովրդավարական ինստիտուտների զարգացման և տնտեսական աճի խթանման առումով։

Հիշեցնենք, որ Դերեկ Շոլեն Վրաստան էր այցելել այս տարվա մայիսին։