«Քեթևան Դեդոփալիի» պողոտայում ընթացող վերականգնողական աշխատանքների շրջանակում, օգոստոսի 3-ի ժամը 23:00-ից, Ավլաբարի հրապարակից մինչև Թելավի փողոց ճանապարհահատվածը փակ կլինի երկու ուղղություններով, հայտարարել է Թբիլիսիի քաղաքապետ Կախա Կալաձեն Թբիլիսիի կառավարության այսօրվա նիստում։
Նրա խոսքով՝ Ավլաբարի հրապարակից հնարավոր կլինի շարժվել անցնելով Ծուրծումիա փողոցը Զուրաբիշվիլի փողոցով և Թելավի փողոցից Բոճորմիի փողոցի ուղղությամբ։
«Այժմ ընթացքի մեջ են «Քեթևան Դեդոփալիի» պողոտայի վերականգնման և նորոգման աշխատանքները։ Մասնավորապես, նախատեսվում է ճանապարհի վրա փռել ասֆալտապատման վերջին շերտը։ Բոլորս համակարծիք ենք, որ նման լայնածավալ նախագծերը չեն կարող իրականացվել առանց անհարմարություն ստեղծելու։ Դա արվում է քաղաքում տեղաշարժն էլ ավելի հարմարավետ դարձնելու համար»,- ասել է Կախա Կալաձեն։
