ԱՄՆ Պետդեպարտամենտի պաշտոնական ներկայացուցիչ Նեդ Փրայսը, անդրադառնալով Վրաստանում ԱՄՆ դեսպան Քելի Դեգնանի վերաբերյալ Վրաստանի կառավարության ներկայացուցիչների արձագանքին, ընդգծում է, որ դեսպանն ունի Վաշինգտոնի լիակատար աջակցությունը։

Նեդ Փրայսը հուլիսի 20-ին կայացած ճեպազրույցում ասել է, որ Թբիլիսիում դեսպանատունն անում է ամեն ինչ՝ Վրաստանի բնակչության եվրաատլանտյան ձգտումներին աջակցելու նպատակով։

Վրաստանում հուլիսի 6-ին մեկնարկել են ուսուցիչների կարգավիճակի բարձրացման քննությունները և կտևեն մինչև հուլիսի 25-ը, որից հետո Վրաստանի քննությունների և գնահատման ազգային կենտրոնը կստուգի ու կգնահատի աշխատանքները։

One Caucasus փառատոնն այս տարի՝ 2022 թվականին կրկին կանցկացվի Մառնեուլիի շրջանի Ծերաքվի գյուղում։ Երաժշտական ​​և կրթական փառատոնը կմեկնարկի օգոստոսի 25-ին և կտևի մինչև օգոստոսի 28-ը։ Ինչպես կազմակերպիչներն են հայտնել «Ռադիո Մառնեուլիին», այս տարի ևս` նախորդ տարիների պես, փառատոնը` երաժշտական ​​մասի հետ մեկտեղ, կներառի նաև տարբեր մշակույթային ու կրթական միջոցառումներ։

Եվրախորհրդարանի պատգամավորներն այցելել են Վրաստանի օկուպացված տարածքներին սահմանակից Օձիսի գյուղ։ Նրանց դիմավորել է ԵՄ դիտորդական առաքելության ներկայացուցիչը։

Վրաստանի ազգային բանկը (NBG) հայտարարություն է տարածել` պարզաբանելով վերջերս  միջազգային դրամական փոխանցումների ժամանակ ծագող խնդիրների պատճառները։ Ազգային բանկը պարզաբանում է, որ պատճառներն առնչվում են Ռուսաստանի Դաշնության և Բելառուսի դեմ պատժամիջոցներին, որոնց Վրաստանի ֆինանսական հատվածը (սեկտորը) միացել է որպես միջազգային ֆինանսական համակարգի մաս։

Coca-Cola-ն Վրաստանում երիտասարդների համար անվճար կրթական հարթակ կստեղծի, հայտնել է Coca-Cola Georgia-ի սեփականատեր Թեմուր Չկոնիան։

Հասարակական կազմակերպությունները շնորհակալություն են հայտնել Վրաստանում Եվրամիության դեսպան Կարլ Հարցելին՝ Վրաստանում երկար տարիների հաջող աշխատանքի և այն աջակցության համար, որը Վրաստանի քաղաքացիական հասարակությունը միշտ զգացել է ԵՄ-ից։

Վրաստանի Ներքին գործերի նախարարության Քվեմո Քարթլիի ոստիկանության վարչության Մառնեուլիի շրջանային բաժնի աշխատակիցները, ձեռնարկված օպերատիվ որոնողական միջոցառումների և քննչական գործողությունների արդյունքում՝ 1989 թվականին ծնված, նախկինում դատապարտված Ն.Ն.–ն և 1977–ին ծնված Ռ.Մ․-ն ձերբակալվել են 20-ամյա կնոջը առևանգելու մեղադրանքով։

Աբխազիայի դե ֆակտո հանրապետությունում՝ Գուլրիփշի շրջանի մշակույթի տանը, որտեղ դե ֆակտո նախագահ Ասլան Բժանիան հանդիպում է ունեցել տեղի բնակչության հետ, հանդիպումն ավարտվել է նախատեսվածից շուտ՝ Բիճվինթայի տարածքները Ռուսաստանին փոխանցելու վերաբերյալ հնչած հարցի պատճառով։

Վրաստան-Ուկրաինա դիվանագիտական ​​հարաբերությունների 30-ամյակին նվիրված միջոցառման ժամանակ Վրաստանում Ուկրաինայի գործերի ժամանակավոր ներկայացուցիչ Անդրեյ Կասյանովն անդրադարձել է երկու երկրների միջև տարբեր ոլորտներում համագործակցությանը։

Վրաստանի խորհրդարանն ընդունել է օրինագիծ, որը նախատեսում է տուգանքների խստացում ապօրինի ծառահատման, բույսերի վնասման և պահպանման կանոնների խախտման դեպքում, հայտնել է Թբիլիսիի քաղաքապետ Կախա Կալաձեն մայրաքաղաքի կառավարման նիստում։

Թբիլիսիի քաղաքապետ Կախա Կալաձեն հայտարարել է, որ քաղաքապետարանն սկսել է մետրոպոլիտենի «Ավլաբարի» (Հավլաբար) կայարանի վերին գավիթի վերանորոգումը։

Գերմանական լեգենդար Boney M խմբի մենակատար Լիզ Միտչելը օգոստոսի 6-ին ելույթ կունենա Բաթումիում։