Վրաստանի արդարադատության բարձրագույն խորհուրդն այսօր՝ հուլիսի 18-ին, դատարանների և կոլեգիաների նախագահների է նշանակել։
Իրակլի Բոնդարենկոն ընտրվել է Քութայիսիի վերաքննիչ դատարանի նախագահ, Մամիա Փխակաձեն երրորդ ժամկետով՝ Ռուսթավիի քաղաքային դատարանի նախագահ, Թբիլիսիի քաղաքային դատարանի վարչական գործերի կոլեգիայի նախագահ է ընտրվել Բադրի Շոնիան, իսկ Թբիլիսիի քաղաքային դատարանի քաղաքացիական գործերի կոլեգիայի նախագահ՝ Վասիլ Մշվենիերաձեն։
Արդարադատության բարձրագույն խորհրդի նախկին ոչ դատավոր անդամ Նազի Ջանեզաշվիլին նշել է, որ խորհուրդը ժամանակին և պատշաճ կերպով չի տարածում դատավորների նշանակման մասին տեղեկատվությունը, հետևաբար հանրության համար դժվար է լիովին հասկանալ, թե ինչպես են կադրերը տեղափոխվում տարբեր պաշտոնների:
Ըստ Ջանեզաշվիլիի՝ խնդրահարույց են նաև այն թեկնածուները, որոնց այսօր արդարադատության բարձրագույն խորհուրդն ընտրել է որպես տարբեր դատարանների և կոլեգիաների նախագահներ։
Ջանեզաշվիլին նաև նշել է, որ բացի այդ, Թբիլիսիի քաղաքային դատարանում տեղի է ունենում պաշտոնների մշտական ռոտացիա, իսկ թափուր տեղերը մշտապես զբաղեցնում են նույն անձինք:
«Երբ խոսքը վերաբերում է նրան, թե ինչպես է դատական համակարգը կառավարվում ոչ ֆորմալ իշխանության կողմից, նման իրադարձությունները երբեմն ցույց են տալիս, որ նույն մարդիկ անընդհատ փոխում են իրենց դիրքերը»,- ասել Ջանեզաշվիլին։
