Այսօր տեղի է ունեցել Եվրոպական հիմնադրամի «Վրացական ԶԼՄ-ների շրջակա միջավայրի գնահատում 2021» հետազոտության շնորհանդեսը։ Եվրոպական հիմնադրամի նախագահ Քեթևան Վաշակիձեի խոսքով, հետազոտության համաձայն, վրացական լրատվամիջոցները խիստ քաղաքականացված են։
Հետազոտության համաձայն՝ ելնելով այն հանգամանքից, որ լրատվամիջոցները շատ դեպքերում ուշադրություն են դարձնում քաղաքական խնդիրներին, բնակչությանը հուզող առօրյա սոցիալական խնդիրները քիչ են լուսաբանվում։
«Կարևոր բացահայտումներն այն են, որ մեր լրատվամիջոցները շատ քաղաքականացված են, և ինչպես կարգավորող կառույցների, այնպես էլ տարբեր հեռարձակողների խորհուրդն է՝ զերծ մնալ քաղաքական ազդեցությունից։
Իհարկե, նշվել է լրատվամիջոցների ներկայացուցիչների նկատմամբ բռնության դեպքերը, ինչպես նաև, թե որքան կարևոր է լրատվամիջոցների ներկայացուցիչների անվտանգությունը»,- ասել է Քեթևան Վաշակիձեն։
«Վրացական լրատվամիջոցների շրջակա միջավայրի գնահատում 2021» հետազոտության հիմնական առաջարկություններն են.
Անհրաժեշտ է լրատվական հարթակը քաղաքական ազդեցության տակ գտնվող մարմնից վերածել կազմակերպության, որը կենտրոնանալու է լայն հասարակության շահերի վրա։
Քաղաքական կուսակցությունները և ազդեցիկ քաղաքական գործիչները պետք է զերծ մնան լրատվամիջոցների գործունեությանը միջամտելուց, ինչը դրսևորվում է քննադատական լրատվամիջոցների վրա հարձակումներով, պետական ֆինանսավորմամբ գովազդի ընտրովի տեղադրմամբ կամ իշխանության այլ չարաշահումներով։
Վրացական լրատվամիջոցները պետք է ավելի շատ ջանքեր գործադրեն, որպեսզի իրենց առաջարկած բովանդակությունը լինի անաչառ և զերծ քաղաքական ազդեցությունից: Դրա համար առաջին հերթին անհրաժեշտ է ճանաչել խնդիրը, ապա ավելի շատ ռեսուրսներ ներդնել անաչառ հանրային հետաքրքրություն ներկայացնող նյութերի պատրաստման համար։
