Ծալկայի կիրճի (Դաշբաշի կիրճ) ապակե կամուրջը կառուցելու համար, կատարվել է 120 մլն լարիի (40 մլն դոլար) ներդրում։ Դեռևս 2019 թվականին սկսված շինարարությունը արդեն ավարտին է հասցվել, ուստի հունիսի 15-ից 240 մետր երկարությամբ ապակե կամուրջը և տարբեր տեսարժան վայրերը, այդ թվում՝ ռեստորանը և զիփլայնը, կբացվեն այցելուների համար։
KASS Group ընկերության տնօրեն Եկատերինե Թորդիան Business Partner-ին հայտնել է, որ անցյալ տարվա օգոստոսից հաճախորդներին հասանելի է եղել միայն այցելուների կենտրոնը և մուտքի արահետը:
Թորդիան ընդգծել է, որ հաջորդ տարվանից նախագծին կավելացվի հյուրանոց, իսկ հաջորդ ամսից կավելացվի հյուրանոցատիպ 62 քոթեջ։
«Այցելուները կկարողանան օգտվել ապակե կամուրջից, զիփլայնից, բաց և փակ ռեստորաններից, հաջորդ ամսից կգործի հյուրանոցի տիպի 62 քոթեջ, որի ժամանակավոր վարձակալումը կարժենա մոտ 120-150 դոլար՝ կախված սեզոնից։ Հաջորդ տարի կբացվի նաև հյուրանոց, որն այժմ կառուցման փուլում է։
Ինչ վերաբերում է աշխատողների թվին, ապա այս պահին էկոտուրիստական տարածքում աշխատում է 250 քաղաքացի»,- ասել է ընկերության տնօրենը։
Կարդացեք նաև՝
