Թբիլիսիի քաղաքային տեսչության աշխատակիցները մետրոյի Սամգորի կայարանի (Նավթլուղի) և Մևելի փողոցի հարակից տարածքից, ինչպես նաև մետրոյի Ախմետելիի թատրոն կայարանի հարակից տարածքից հեռացրել են բացօթյա առևտրի համար նախատեսված վաճառասեղանները։
Ըստ Թբիլիսիի քաղաքապետարանի՝ մունիցիպալ տեսչությունը մի քանի անգամ զգուշացրել է առևտրականներին՝ դադարեցնել չարտոնված գործունեությունը։
Մետրոյի Սամգորի և Ախմետելիի թատրոն կայարանների շրջակայքում փողոցային առևտրի խնդիրը լուծելու համար Թբիլիսիի քաղաքապետ Կախա Կալաձեն Իսանիի և Գլդանիի շրջանների նահանգապետերին հանձնարարել է բանակցել մոտակա շուկաների ղեկավարության հետ, որպեսզի այդ առևտրականները կարողանան տեղափոխվել հատուկ նշանակության առևտրի տարածքներ։
«Քաղաքային խորհրդի ներկայացուցիչների և մեծամասնական պատգամավորների աշխատանքի արդյունքում շուկայի ղեկավարությունը առևտրականներին առաջարկում է հատուկ պայմաններ, և նրանք կօգտվեն արտոնյալ պայմաններից»,- հայտնել են Թբիլիսիի քաղաքապետարանից։
Նշենք, որ ապրիլի 13-ին Թբիլիսիի քաղաքապետ Կախա Կալաձեն հայտարարել է, որ նախատեսվում է մետրոյի Ախմետելիի թատրոն կայարանի հարակից տարածքից առևտրականներին տեղափոխել շուկայի տարածք։
Կարդացեք նաև՝
