Վրաստանի առողջապահության փոխնախարար Թամար Գաբունիայի խոսքով, կորոնավիրուսի «օմիկրոն» շտամով հիվանդացությունը սկսել է պակասել։
Փոխնախարարի խոսքով, հաջորդ շաբաթ, ըստ վարակվածության, պարզ կդառնա, թե որքանով է երկիրը հաղթահարել վարակի պիկը։
«Այսօր դեպքերի թիվը դեռևս 15 000-ից մի փոքր ավելի էր։ Վերջին երկու օրերի ընթացքում մենք մնում ենք այս ցուցանիշին, ինչը որոշակիորեն խոստումնալից է այն առումով, որ «օմիկրոնի» ալիքը սկսել է նվազել։ Նկատվում է նաև դրական ցուցանիշի մի փոքր նվազում»,- ասել է Գաբունիան։
Գաբունիան արձագանքել է նաև պատվաստումների ցածր ցուցանիշին՝ նշելով, որ պատվաստումն առաջնահերթություն է, և ցածր ակտիվությունը, հավանաբար, կապված է վարակման բարձր ցուցանիշի հետ։
