Վրաստանի փախստականների, աշխատանքի, առողջապահության և սոցիալական պաշտպանության նախարար Զուրաբ Ազարաշվիլիի խոսքով՝ 2023 թվականին սոցիալապես անապահով քաղաքացիների զբաղվածության պետական ​​ծրագրի իրականացման համար կծախսվի 80 մլն լարի։

Հատկանշական է, որ ընթացիկ տարում առողջապահության նախարարությունը ծրագրի վրա նախատեսել էր ծախսել 40 մլն լարի։

«Ենթադրում է, որ մոտավորապես 22-23 հազար անապահովի կարգավիճակ ունեցող քաղաքացի ևս կունենա զբաղվածություն»,- ասել է Ազարաշվիլին։

Տեղեկացնենք, որ այս տարի կառավարությունը սկսել է պետական ​​ծրագիր, որի շրջանակներում 4 տարի չի նախատեսվում ստուգել սոցիալապես անապահով անձանց միավորները, եթե նրանք պետության կողմից առաջարկվող աշխատատեղերում աշխատանքի անցնեն: Ծրագրի շրջանակներում աշխատողների ամսական աշխատավարձը տատանվում է 150-ից 300 լարիի սահմաններում։