Վրաստանում անցկացվեց Կրթության միջազգային ցուցահանդես: 18-ամյա Գիգան որոշել է մասնակցել էքսպո Ջեորջիայում անցկացված կրթության միջազգային ցուցահանդեսին` իր համար ցանկալի բուհ-ն ընտրելու նպատակով: «Այս տարի առաջին անգամ եմ մասնակցում ցուցահանդեսին: Ուսումնասիրում եմ համալսարանները, հետաքրքրվել եմ լեհական համալսարանններից մեկով: Պատրաստվում եմ ընդունվել Բիզնեսի կամ Միջազգային հարաբերությունների ֆակուլտետ: Այսօրվա ցուցահանդեսն ինձ իրոք օգնեց ընտրել լավագույն համալսարանը»:
Կրթության միջազգային ցուցահանդեսը Վրաստանում անցկացվում է արդեն 6-րդ անգամ: 
Հազարավոր դիմորդներ եւ ուսանողներ են գալիս այստեղ ՝ ընտրելու իրենց ուսուցման հետագա ուղին:
Միջոցառման կազմակերպիչ Սալոմե Ցիխիսելին խոսեց ծրագրի մասին. «Այստեղ արտասահմանում ուսում ստանալու ցանկություն ունեցող ուսանողները հնարավորություն են ստանում ծանոթանալ աշխարհի լավագույն համալսարանների հետ: Նաեւ ուսման ֆինանսավորման հետ կապված բազում ծրագրեր կան, նշեմ, որ ուսանողներին դրանք շատ են հետաքրքրում»:
Այս տարի ցուցահանդեսին մասնակցող 48 համալսարանների թվում են նաեւ Վրաստանի, ԱՄՆ-ի, Ֆրանսիայի, Հունգարիայի, Լիտվայի, Լատվիայի, Էստոնիայի, Թուրքիայի,Ավստրալիայի, Չինաստանի և մի շարք այլ երկրների համալսարանները:
Կազմակերպիչներից մեկը պատմեց Չինաստանում ուսման իր փորձի մասին. «Առաջին դեպքն է, երբ Վրաստանում Չինաստանից այսքան համալսարան է ներկայացված: Վրաստանի ուսանողները Չինաստանի հետ լավ ծանոթ չեն, դա մի գուցե կապված է հեռու լինելու հանգամանքի հետ: Ես նույնպես դժվարությամբ որոշում կայացրի ուսումս շարունակել Չինաստանում, սակայն այսօր գոհ եմ: Չինաստանի համալսարանները հետաքրքիր ծրագրեր են առաջարկում: Հույս ունեմ ,որ այս տարվա ցուցահանդեսը կօգնի վրաց ուսանողներին` առավել համարձակ լինել` Չինաստանում ուսում ստանալու հարցում»:
Ցուցահանդեսին ներկայացված էին նաև Վրաստանի պետական ու մասնավոր կրթական հաստատությունները: Կախա Բենդուքիձեի անվան Ազատ եւ ագրարային համալսարանների ներկայացուցիչներից մեկն էր Աննա Ղարիբյանը. « Այս համալսարաններում շատ լավ է, խիստ է քննությունների ժամանակ, եւ դա մեզ դուր է գալիս: Հիմա էլ, այստեղ մեր համալասարանները ներկայացնելիս օգտագործում ենք մարկետինգի դասընթացների ժամանակ ստացած գիտելիքները: Այս համալսարանները ուսանողներին ինքնադրսևորվելու հնարավորություն են տալիս»:
Իլիա Ճավճավաձեի անվան պետական համալսարանի ներկայացուցիչ Նինո Չիխորիշելին պատմում է, թե ինչու դիմոդները պետք է ընտրեն հենց այդ համալսարանը. «Կարծում եմ` Իլիայի պետհամալսարանը լավագույներից մեկն է. այստեղ կա այն ամենը, ինչ հարկավոր է հաջողության հասնելու համար: Մի քանի կարևոր ծրագրեր ունենք: Այստեղ դասավանդում են որակավորված դասախոսներ ինչպիսիք են, օրինակ բարձրագույն դատարանի նախկին աշխատակիցները»:
« Դիմորդների համար սա հիանալի հնարավորություն է: Սա էքսպո Ջեորջիայի կազմակերպած ամենամասշտաբային միջոցառումներից մեկն է: Երիտասարդների թիվը գնալով աճում է: Ես նույնպես այս ցուցահանդեսի միջոցով մասնակցել եմ տարբեր ծրագրերի»,- ցուցահանդեսին մասնակցելու իր փորձի մասին պատմում է մասնակից Մարթա ԿաՃարավան:
Ցուցահանդեսը հնարավորություն է տալիս մեկ տարածքում համեմատել Վրաստանի եւ այլ երկրների համալսարանների կողմից առաջարկած տարբեր ծրագրերը: «Եկ, համեմատիր, ընտրիր»սա է ցուցահանդեսի կարգախոսը:
