Թբիլիսիի տրանսպորտային ընկերությունը մարտի 22-ից մայիսի 18-ն ընկած ժամանակահատվածում՝ ավտոբուսի և մետրոյի առանց տոմսերի ճանապարհորդության համար 18 հազար 164 էլեկտրոնային տուգանք է կազմել: Փոխանցում է InterpressNews-ը։
Ըստ տեղեկատվության՝ 2022 թվականի մարտի 22-ից մինչև մայիսի 18-ը ներառյալ M2 կատեգորիայի ավտոբուսը, որը ներառված է առանց տոմսերի ինտեգրված սպասարկման համակարգում, կազմել է 5 367 էլեկտրոնային տույժի անդորրագիր։
Նույն տեղեկատվության համաձայն՝ ինտեգրված սպասարկման համակարգում ընդգրկված M3 կարգի ավտոբուսով առանց տոմսերի երթևեկության 10 հազար 586 էլեկտրոնային տույժի անդորրագիր և ստորգետնյա էլեկտրատրանսպորտով (մետրո) առանց տոմսերի երթևեկության 2 211 էլեկտրոնային տույժի անդորրագիր է կազմվել:
Նշենք, որ Թբիլիսիի սակրեբուլոյի որոշմամբ և Վարչական իրավախախտումների վերաբերյալ օրենսգրքում կատարված փոփոխություններով՝ մարտի 22-ից այն քաղաքացիները, ովքեր կօգտվեն M2, M3 ավտոբուսներից, մետրոյից, ճոպանուղուց, կտուգանվեն առանց տոմսի երթևեկելու դեպքում:
