Վրաստանի ներքին գործերի նախարարության աշխատակիցները 46 կգ հերոին, կանեփ, մարիխուանա, մետադոն, կոկային տեսակների թմրամիջոցներ են ոչնչացրել, որոնք տարբեր ժամանակներում ձեռք էին բերվել երկրի տարածքից:

Բացի այդ, ոստիկանությունը ոչնչացրել է նաև թմրանյութ պարունակող հազարավոր հաբեր: ՆԳՆ-ն տեղեկացնում է, որ դատարանի որոշմամբ՝ իրավապահները թմրանյութեր են ոչնչացնում յուրաքանչյուր 3 ամիսը մեկ անգամ: Սրանով զբաղվում է ՆԳ նախարարի հրամանով ստեղծված և Վրաստանի գլխավոր դատախազության հսկողությամբ գործող հատուկ հանձնաժողովը։