Վրաստանի 13 քաղաքացիները, որոնց արգելվել էր Իսրայել մուտքը, վերադարձել են հայրենիք՝ հաղորդում է Իմեդի հեռուստաընկերությունը:Նրանց շարքում կան անչափահասներ և հոգևոր անձինք: Վերջիններս Իսրայել էին մեկնել ուխտագնացության նպատակով, սակայն չեն անցել սահմանային անցակետը: Մեկ օր ուխտագնացները անցկացրել են արտաքսվածների համար նախատեսված հաստատությունում, ուր ուղարկվել էին Իսրայելի սահմանային ոստիկանության աշխատակիցների կողմից: Այստեղ նրանք սպասել են Վրաստան առաջիկա թռիչքին: Վրաստանի քաղաքացիների հետ հանդիպել է Իսլայելում Վրաստանի հյուպատոս Ալեքսանդր Ջիշկարիանին, ով հաղորդել է, որ բոլորը պատշաճ պայմաններում են գտնվում, իսկ իսրայելական կողմը գրավոր պարզաբանել է յուրաքանչյուր քաղաքացու հետ կապված՝ երկիր մուտքի մերժման պատճառը:
Վրաստան վերադարձած քաղաքացիները զերծ են մնում մեկնաբանություններից: Սա վրաստանի քաղաքացիների՝ Իսլայելից արտաքսման առաջին դեպքը չէ: Փետրվարի վերջին Իսլայելը արտաքսել էր 30 մարդու, այդ թվում կանանց և երեխաների: Սրա հետ կապված՝ Վրաստանում Իսլայելի դեսպանատան մոտ մի խումբ քաղաքացիներ բողոքի ակցիա էին անցկացրել:
2014թ․-ից Վրաստանի և Իսրայելի միջև գործում է առանց վիզայի ռեժիմ, մեկնող քաղաքացիներին հարկավոր է միայն կենսաչափական անձնագիր, հետադարձ տոմս, պատվիրված հյուրանոց, ապահովագրություն և կեցության գումար: Այն բանից հետո, երբ նախորդ տարի Իսրայելի իշխանությունները մի քանի հազար դեպք էին արձանագրել, երբ Վրաստանի քաղաքացիները ապաստանի խնդրաքով էին դիմել, որոշում է կայացվել արագացված կարգով դիտարկել այս դիմումները՝ դիմումատուներին մերժելով աշխատել փաստաթղթի դիտարկման ընթացքում:
Բացի այդ, Իսրայելը փետրվարին Վրաստանը ներառեց անվտանգ երկրների շարքում, ինչը նշանակում է, որ Վրաստանի քաղաքացիների կողմից ապաստան խնդրելու դիմումները, բացառությամբ իրական պատճառների, պետք է մերժվեն:
