Միջազգային հանրապետական ինստիտուտի (IRI) հասարակական կարծիքի հարցման համաձայն՝ հարցվածների միայն 15 տոկոսն է վստահում վրացական քաղաքական կուսակցություններին։
Հարցումների պատասխանները բաժանվեցին հետևյալ կերպ.
- չի վստահում 35 տոկոսը,
- երկմտում է 49 տոկոսը,
- հրաժարվել է պատասխանել 1 տոկոսը:
Հարցին՝ արդյոք Վրաստանում գոնե մեկ քաղաքական կուսակցություն ներկայացնո՞ւմ է իրենց շահերը, պատասխանել են հետևյալ կերպ.
- այո, կա մեկ կուսակցություն, որն ամբողջությամբ ներկայացնում է իմ շահերը՝ 24 տոկոս,
- այո, կա մեկ կուսակցություն, որը քիչ թե շատ ներկայացնում է իմ շահերը՝ 32 տոկոս,
- կողմերից ոչ մեկը չի ներկայացնում իմ շահերը՝ 42 տոկոս,
- հրաժարվել է պատասխանել՝ 3 տոկոս:
IRI-ի պատվերով ուսումնասիրությունն իրականացվել է 2022 թվականի սեպտեմբերի 13-ից հոկտեմբերի 2-ն ընկած ժամանակահատվածում։ Դեմ առ դեմ հարցումն իրականացրել է IPM ընկերությունը: Հարցվել է 1 500 չափահաս քաղաքացի։ Սխալի սահմանը +/- 2,5 տոկոս է:
Հարցվածների 72 տոկոսը ցանկանում է հաջորդ ընտրություններում տեսնել նոր քաղաքական կուսակցություններ
89 տոկոսը ՌԴ–ին համարում է երկրի համար ամենամեծ քաղաքական սպառնալիքը. IRI
