Այս տարի Վրաստանում ավարտական քննությունները կսկսվեն մայիսի 20-ին: Ժամանակացույցը հրապարակել է քննությունների և գնահատման ազգային կենտրոնը՝ իր պաշտոնական կայքում:
Ավարտական, 12-րդ դասարանի աշակերտները ավարտական քննությունները կհանձնեն հետևյալ ժամանակացույցով.
Մայիսի 20-ին՝ վրաց լեզու և գրականություն: Վրացերեն, որպես երկրորդ լեզու և աշխարհագրություն
Մայիսի 21-ին՝ օտար լեզու և կենսաբանություն
Մայիսի 22-ին՝ պատմություն և ֆիզիկա
Մայիսի 23-ին՝ ֆիզիկա և մաթեմատիկա
Մայիսի 24-ին՝ քիմիա
Այս տարի ավարտական քննությունները կանցկացվեն նոր ձևաչափով, կիրականացվի նոր գնահատման համակարգ՝ Pass / Fail, որը ներառում է քննությունների անցնելու համար նվազագույն շեմը հաղթահարելը: Քննության ավարտից հետո համակարգչի էկրանին կգրվի միայն Pass / Fail, այլ ոչ ստացված միավորը՝ նախկինի նման: Քննությունը բարեհաջող հանձնելու համար դպրոցի շրջանավարտը պետք է ճիշտ պատասխանի 15 պարզ հարցի:
