2011 թ. մայիսի 26-ին Դաթո Ախալայան  անվտանգության աշխատակիցներին այպիսի հրաման է տվել` «որքան շատ ձերբակալեք,  այնքան շատ կվարձատրվեք»:  Վրաստանի գլխավոր դատախազությունը սեպտեմբերի 20-ին հրապարկել է Ախալայի այս խոսքերը հաստատող տեսանյութը: Դատախազության տեղեկատվության համաձայն`գերատեսչությունը ձեռք է բերել այդ տարիներին ՆԳՆ-ի ներքո գործող Սահմանադրական անվտանգության վարչության  կողմից մայիսի 26-ի գիշերը նկարհանած նոր կադրեր:  Տեսանյութում երևում է, թե ինչպես է այդ տարիների վարչության ղեկավարը (Դաթո Ախալայան)  աշխատակիցներին  հրամայում ձերբակալել բոլոր ցուցարարներին՝ փոխարենը յուրաքանչյուր ձերբակալած քաղաքացու համար խոստանալով բարձր հավելավճար: Ըստ դատախազության,  միայն այդ երեկո ձերբակալվածների համար Սահմանադրական անվտանգության վարչության աշխատակիցները ստացել են 900 հազար  լարի հավելավճար:«Մայիսի 26»-ի գործով հետաքննությունը մինչ օրս շարունակվում է:

Դատախազությունը տեղեկացնում է, որ այս պահի դրությամբ հայտնի է, որ  մայիսի 26-ի գիշերային ձերբակալությունները կատարվել են  Վրաստանի Ներքին գործերի նախարար Վանո Մերաբիշվիլիի ուղիղ հրամանով ու գլխավորությամբ: «Դա նշանակում է հարձակում  քաղաքական այլ հայացքներ ունեցող մարդկանց վրա՝  նպատակ ունենալով նրանց, ահաբեկել ու պատժել, որպեսզի ցույցերը շարունակություն չունենան»,-նշում է Վրաստանի գլխավոր դատախազությունը:

Թբիլիսիի քաղաքային դատարանի որոշմամբ` «Մայիսի 26-ի»  գործով  Վանո Մերաբիշվիլին  մեղավոր է ճանաչվել ծառայողական  լիազորությունները  չարաշահելու համար:  Նա մեղադրվել է Վրաստանի քրեական օրենսգրքի 333-րդ հոդվածի երրորդ մասի բ ենթակետով`դատապարտվելով 4,5 տարի ազատազրկմամբ:

Նույն հոդվածով գործը շարունակվում է Դավիթ Ախալայայի, Վասիլ Լելուաշվիլիի, Ռևազ Շիուկաշվիլիի և Լևան Քարդավայի նկատմամբ: Նրանց սպառնում է 5-8 տարի ազատազրկում:  Տեղեկացնում  է «interpressnews»-ը:

Դատախազության հրապարակած տեսանյութը կարող եք դիտել այս հասցեով: