Թբիլիսիին մոտակայքում գտնվող «Վազիանի» 4-րդ մեքենավորված բրիգադում նոյեմբերի 10-ին մեկնարկել են «ՆԱՏՕ-Վրաստան 2016» զորավարժությունները:
Զորավարժությունների բացման արարողության ընթացքում Վրաստանի Պաշտպանության փոխնախարար Լելա Չիքովանին նշել է․«Այս զորավարժությունների անցկացումը եվս մեկ անգամ խոսում է այն մասին, որ ՆԱՏՕ-ն շարունակում է աջակցել Վրաստանին: Պետք է նշել, որ ՆԱՏՕ-ն արժանի կերպով է գնահատում Վրաստանի եվրաատլանտյան ձգտումները»:
Զորավարժությունները նպատակ ունեն ապահովել Վրաստանի եւ ՆԱՏՕ-ի զինված ուժերի փոխհամատեղելիությունը՝ բարձրացնելով միջազգային խաղաղար առաքելություններում գործող զինվորականների գիտելիքները։ Զորավարժության հիմնական թեման ճգնաժամային իրավիճակներում ճիշտ կողմնորորշվելն ու գործելն է:
Հիշեցենենք՝ «ՆԱՏՕ-Վրաստան 2016»-ը թվով 2-րդ համատեղ զորավարժությունն է: Առաջին զորավարժությունը տեղի է ունեցել 2015 թվականին: Այն կրել է« Agile Spirit 2015» խորագիրը: Տեղեկացնում է «newposts.ge»-ն:
