Վրաստանի առաջին փոխվարչապետ, էկոնոմիկայի և կայուն զարգացման նախարար Դմիտրի Քումսիշվիլին այցելել է Գուդաուրիի հանգստավայրում ճոպանուղու վթարից տուժած զբոսաշրջիկներին և հրավիրել նրանց հաջորդ տարի ևս այցելել Վրաստան:
Հիշեցնենք՝ նախօրեին տեխնիկական անսարքության պատճառով փորձառու դահուկորդների համար նախատեսված ճոպանուղին շարքից դուրս էր եկել, արագացել էր ընթացքը, ինչի հետևանքով 11 զբոսարջիկ էր տուժել՝ մեծամասնությունը օտարերկյա քաղաքացիներ: Նրանից երեքին բուժօգնություն էր ցուցաբերվել Գուդաուրիի ամբուլատորիայում, ևս ութը ուղղաթիռներով և ռեանոմոբիլներով տեղափոխվել էր մայրաքաղաքի բժկական կենտրոններ: Ռուսաստանի և Ուկրաինայի քաղաքացիները բուժում են ստանում Գուդուշաուրիի անվան կենտրոնում, իսկ Շվեդիայի քաղաքացին, ով ինչպես նշվել է, հղիության 15-րդ շաբաթում է, բուժում է ստանում medi club կենտրոնում:
Փոխվարչապետը հիվանդանոց այցից հետո ասել է, որ տուժածներն իրենց համեմատաբար լավ են զգում, այդ թվում նաև Ուկրաինայի մեկ քաղաքացին, ով վիրահատությունից հետո գտնվում է վերակենդանացման բաժանմունքում:
«Ուզում եմ լավ նորությունից սկսել՝ այսօր դուրս է գրվել Օլեգ Վիտրյակն, ով վերադարձել է Գուդաուրի՝ դահուկ քշելու, իսկ ուկրաինացի տիկինը մինչև հիմա վերակենդանացման բաժանմունքում է, նա լուրջ հետազոտության կարիք ունի»:
Փոխվարչապետն ասում է, որ բոլոր զբոսարջիկներն ընդունել են հաջորդ տարի ևս ձմեռային հանգիստը Վրաստանում անցկացնելու առաջարկը: Վրաստանի իշխանությունները նաև հոգացել են տուժածների հարազատներին մայրաքաղաքում տեղավորվելու ծախսերը՝ «Holiday Inn» հյուրանոցում:
Հղիության 15-րդ շաբաթում գտնվող ուկրաինացուն Medi club բուժկենտրոնում այցելել է Առողջապահության և սոցապահովության նախարար Դավիթ Սերգեենկոն, ով ասել է, որ տուժածի վիճակը կայուն է, պտղին վտանգ չի սպառնում, առաջիկայում նա դուրս կգրվի և անհրաժեշտության դեպքում բժշկի ուղեկցությամբ սովորական չվերթով կարող է վերադառնալ: Տուժածների բուժման բոլոր ծախսերն իր վրա է վերցրել Վրաստանի էկոնոմիկայի և կայուն զարգացման նախարարության լեռնային հանգստավայրերի զարգացման կազմակերպությունը, որը պատասխանատու է ճոպանուղիների համար:
