Մցխեթա-Ստեփանծմինդա-Լարս ավտոճանապարհին երթևեկության համար  հատուկ ռեժիմ  է սահմանված։  Վրաստանի Տարածաքային կառավարման և  զարգացման նախարարության ավտոճանապարհային  դեպարտամենտի տեղեկատվությամբ, ձյան եւ մերկասառույցի պատճառով Մցխեթա-Ստեփանծմինդա-Լարս  ավտոճանապարհի Մլեթա-Կոբի հատվածում արգելված է կցորդով, կիսակցորդով տրանսպորտային միջոցների եւ 30-ից  ավելի նստատեղ ունեցող ավտոբուսների երթևեկությունը։

Տրանսպորտային մյուս միջոցների համար  երթևեկությունը Գուդաուրի-Կոբի հատվածում  թույլատրվում է: Պաշտոնական հաղորդագրության համաձայն, այս պահին Գուդաուրի-Կոբի հատվածում ընթանում են ձյան մաքրման աշխատանքներ: