«Մենք շարունակում ենք աջակցել Վրաստանի հյուսիսատլանտյան ձգտումներին»,- նման հայտարարություն է արել պաշտոնական այցով Վրաստանում գտնվող Լատվիայի նախագահ Ռայմոնդ Վեյոնիսը:
«Մենք ողջունում ենք Վրաստանի ընտրությունը: Կարևոր է, որ շարունակենք անհրաժեշտ բարեփոխումները, որոնք վերաբերում են հատկապես դատական համակարգին ու օրենքի գերակայությանը: Հյուսիսատլանտյան դաշինքին Վրաստանի հետագա ինտեգրացիան շարունակում է օրակարգում մնալ»,- հայտարարել է Վեյոնիսը՝ վստահեցնելով, որ Լատվիան աջակցում է Վրաստանի այդ ձգտումներին:
Լատվիայի նախագահը Թբիլիսիիում հայտարարել է նաև, որ Վրաստանը այլ թեկնածու երկրների համար վառ օրինակ է հանդիսանում:
