Հունվարի 8-ին Ստրասբուրգում՝ Մարդու իրավունքների եվրոպական դատարանում (ՄԻԵԴ) տեղի է ունեցել Վրաստանից ներկայացված դատավոր Լադո Ճանտուրիայի երդման արարողությունը:
Երդմնակալության արարողությանը ներկա են եղել ՄԻԵԴ դատավորների կազմը՝ դատարանի նախագահի գլխավորությամբ, Եվրոպայի խորհրդում Վրաստանի մշտական ներկայացչության անդամներ և այլք։
Լադո Ճանտուրիան, ով ՄԻԵԴ-ի դատավոր է ընտրվել 9 տարի ժամկետով, փոխարինում է Նոնա Ծոծորիային:
Հիշեցնենք՝ Եվրոպայի խորհրդի խորհրդարանական վեհաժողովը Ճանտուրիային այդ պաշտոնում ընտրել է նախորդ տարվա հոկտեմբերի 10-ին:
