Թուրքիայում շարքային քաղաքացիներին ու երկիր ժամանած զբոսաշրջիկներին ոչ մի վտանգ չի սպառնում: Վստահեցրել է Վրաստանում Թուրքիայի դեսպան Լևենտ Զեքի Գյումրուքչուն:
«Ոզում եմ համոզված լինեք, որ Թուրքիայում վտանգ չկա: Արտակարգ դրություն սահմանելու արդյունքում եվս փոփոխության չեք հանդիպի»,- հայտարարել է Գյումրուքչուն` ավելացնելով, որ Թուրքիայում հայտարարված արրտակարգ դրությունը եվս ոչ մի կերպ չի սահմանափակում զբոսաշրջիկների տեղաշարժը:
Ինչ վերաբերում է ավիաթռիչքների իրականացմանը, դեսպանի խոսքով, այս առումով եվս որևէ փոփոխություն չկա: Դեսպանը հերքել է համացանցում տարածված լուրերը, թե քաղաքացին օդանավակայան պետք է ժամանի թռիչքից 5-6 ժամ առաջ:
Հիշեցնենք, որ Թուրքիայի նախագահ Ռեջեփ Թայիփ Էրդողանը հուլիսի լույս 16-ին տեղի ունեցած զինվորական հեղաշրջման փորձից հետո Թուրքիայում 3 ամիս տևողությամբ արտակարգ դրություն է սահմանել:
Վրաստանում Թուրքիայի դեսպանը հրավիրած ասուլիսում եվս մեկ անգամ վստահեցրել է, որ հեղաշրջման կազմակերպիչը Ֆեթուլլահ Գյուլենի «ահաբեկչական» կազմակերպությունն է:
Թուրքիայի նախագահ Էրդողանն ու ԱՄՆ-ում բնակվող հոգևոր գործիչ Ֆեթուլլահ Գյուլենը վաղեմի քաղաքական հակառակորդներ են։
