Ապրիլի 3-ից Թբիլիսիի փողոցներում վերահսկողություն են իրականացնելու «Թբիլսերվիս ջգուփի» ընկերության ծառայության ջոկատի տեսուչները, որոնք հետևելու են և, անհրաժեշտության դեպքում, տուգանելու ֆիզիկական և իրավաբանական անձանց՝ չնախատեսված վայրերում աղբ թափելու համար:
Ինչպես տեղեկացնում է Թբիլիսիի քաղաքապետարանը՝ «Թբիլսերվիս ջգուփի» ընկերության գրասենյակում հանդիպում է տեղի ունեցել, որի ընթացքում տեսուչներին ներկայացվել է իրենց գործունեության և իրավասությունների շրջանակները:
Առաջին 2 շաբաթների ընթացքում տեսուչները դեռ ծանոթացնելու են տուգանքների նոր համակարգին և կանոնների խախտման սկզբունքներին՝ կոչ անելով առօրյա և այլ տեսակի աղբը նետել համապատասխան վայրերում:
