Վրաց ժամանակակից եւ դասական հեղինակների ստեղծագործություններ, օտարալեզու   թարգմանություններ, մանկական հեքիաթների հավաքածուներ… այս ամենին կարելի էր ծանոթանալ եւ ձեռք բերել Թբիլիսիի գրքի 3-րդ ամանորյա փառատոնի ընթացքում: Դեկտեմբերի 23-ին Վրաստանի խորհրդարանի ազգային գրադարանում մեկնարկեց Վրաստանի գրքի հրատարակպչությունների եւ տարածողների ասոցիացիայի կազմակերպած գրքերի փառատոնը: Ասոցիացիայի ղեկավար Գվանցա Ջոբավան Ալիքի հետ զրույցում ասաց.

«Թբիլիսիի գրքի ամանորյա փառատոնն այս տարի 3-րդ անգամ է նշվում, մեր փառատոնի արդեն մշտական գործնկերն է Վրասեանի խորհրդարանի գրադարանը, այս տարի փառատոնն ունի 26 մասնակից, գրքի հրատարակողներ, տարածողներ եւ գրքի խանութներ,որոնք հատուկ զեղչեր են խոստանում իենց ընթերցողներին: ՓԱռատոնի նպատակն է գրքի ընթերցման տարածումը եւ հանրության համար գրքի կարեւորության քարոզչությունը: Կոչ ենք անում բոլորին ավելիշատ գիրք ընթերցել:»

Գրքի փառատոնին առաջին անգամ ներկայացված էր նաեւ հայերեն գիրք: «Կամուրջ» տարեգրքի գլխավոր  խմբագիր Անահիտ Բոստանջյանն Ալիքի հետ զրույցում նշեց.

«Ինձ ոգեւորել է, որ այքան վրացալեզու գրքերի շարքում ներկայացված է նաեւ մեր հրաշալի «Կամուրջը», որ արդեն վերջին տարիների ըն թացքում դարձել է արդեն ոչ միայն վիրահայ, այլեւ ամբողջ սփյուռքի հայերինը: Սա առանցք է վրաց գրականության շուրջ:»

3 օրվա ընթացքում Թբիլիսիի քաղաքապետարանի աջակցությամբ խոհրդարանի գրադարանում  անցկացվեցին  տարբեր գրքերի շնորհանդեսներ, հանդիպումներ գրողների հետ: Գրքերի խանութների եւ հրատարակչությունների տաղավարներում գրքերի գրեթե ամբողջ տեսականին հնարավոր էր ձեռք բերել 20-80 տոկոս զեղչով: Կազմակերպիչների խոսքով, փառատոնի մասնակիցներին   բազմաթին անակնկալներ եւ  նորամուծությունների ականատես եղան:

Բակուր Սուլակաուրի հրատարակչության վաճառքի բաժնի ղեկավար Քեթի Ճոնքաձեն գտնում է, որ ամենից կարեւոր գիրքը Վրաստանի պատմությունն  է:

«Ամանորյա փառատոնին ներկայացրելենք գրեթե բոլոր ժանրերի գրքեր, սակայն ամենից կարեւորը Վրաստանի պատմությունն է, որ ընդհամենը 3 օր առաջ է լույս տեսել, կազմված է 10 հատորից, լավագույն ամանորյա նվերն է բոլոր ընտանիքների համար եւ անպայման պիտի տեղ գտնի ցանկացածի գրադարանում:»

Վրաստանի գրքի հրատարակչությունների եւ տարածողների ասոցիացիան չէր մոռացել նաեւ ամենակրտսեր ընթերցասերների  մասին՝ եռօրյա փառատոնի ընթացքում նրանց համար ստեղծված էրմանկական անկյուն, որտեղ երեխաներին սպասում էին ամանորյա-ժամանցային ծրագրեր. Ձմեռ պապիկ, ձյունանուշիկ, շոու վիկտորինա, թատերական ներկայացումներ:

Կազմակերպիչների խոսքով՝ Միջոցառման նպատակը գրքի տարածումն է,  հրատարակչությունների ավելաացումը, Վրաստանում կրթվածության մակարդակի բարձրացումը: գրքի տոնը   շարունակվեց մինչեւ դեկտեմբերի 25-ը: