Վրաստանի խորհրդարանական մեծամասնության անդամներն անդրադարձել են Հայաստանում տեղի ունեցող իրադարձություններին, երբ հանրային բողոքից հետո հրաժարական տվեց նորընտիր վարչապետ, Հայաստանի երրորդ նախագահ Սերժ Սարգսյանը։
Մեծամասնության անդամ Գիա Վոլսկիի հայտարարությամբ, կարևոր է, որ հարևան երկիրը պահպանի կայունություն: Պատգամավորը հույս է հայտնել, որ կողմերն ընդհանուր լեզու կգտնեն:
«Կարևորը զարգացումն ու կայունությունն է մեր հարևան երկրում: Սա Վրաստանին միայն վերաբերում է այնքանով, որ բարիդրացիական հարաբերություններ ունի բարեկամ երկրի հետ»,- «Ռուսթավի 2»-ին ասել է Վոլսկին:
