Ամերիկայի Միացյալ Նահանգներում Վրաստանի դեսպանատունը հյուրընկալել է Ռամսֆելդի հիմնադրամի Կենտրոնական Ասիայի և Կովկասի հետազոտական ծրագրի մասնակիցներին:

Ըստ Վրաստանի արտաքին գործերի նախարարության, հանդիպմանը ԱՄՆ-ում Վրաստանի դեսպան Դավիթ Բաքրաձեն երիտասարդ հետազոտողների հետ խոսել է Վրաստանի արտաքին քաղաքականության գերակայությունների, Վրաստանի ժողովրդավարական զարգացման, իրականացվող բարեփոխումների, ինչպես նաև Վրաստան-ԱՄՆ ռազմավարական գործընկերության մասին:

Ռամսֆելդի հիմնադրամի ծրագիրն իրականացվում է Վաշինգտոնի Կենտրոնական Ասիայի և Կովկասի ինստիտուտի հետ համատեղ: