Ամերիկայի Միացյալ Նահանգների նախագահ Դոնալդ Թրամփը Վրաստանի նախագահ Գիորգի Մարգվելաշվիլիին շնորհավորել է Վրաստան-ԱՄՆ դիվանագիտական հարաբերությունների 25-ամյակի կապակցությամբ:
ԱՄՆ նախագահ Թրամփի ուղերձը հրապարակել է նախագահի վարչակազմը:
«Պարոն նախագահ, մեր երկրների դիվանագիտական հարաբերությունների 25-ամյակի կապակցությամբ ձեզ և համայն վրաց ժողովրդին ի սրտե շնորհավորում և շնորհակալություն եմ հայտնում մեր երկարատև բարեկամական հարաբերությունների և համագործակցության համար:
ԱՄՆ-ն աջակցում է Վրաստանի ինքնիշխանությանն ու տարածքային ամբողջականությանը՝ միջազգայնորեն ճանաչված սահմաններում: Վրաստանի անկախությունն ու ժողովրդավարության մակարդակը ոգեշնչող է:
Ես և իմ վարչակազմն անհամբեր սպասում ենք մեր հետագա համագործակցությանը, որը կնպաստի մեր երկրների բարեկեցության բարելավմանն ու զարգացմանը»,- նշվում է ԱՄՆ նախագահի նամակում:
