«Սիթի պարկ» ՍՊԸ-ի սեփականատերերը ընկերության հետ քաղաքապետարանի կնքած պայմանագրի միակողմանի դադարեցումը անօրինական են համարում։
Երեկ Թբիլիսիի քաղաքապետ Կախա Կալաձեն լրագրողներին տեղեկացրել էր, որ Թբիլիսիի քաղաքապետարանը որոշում է կայացրել 2018 թվականի ապրիլի 10-ից դադարեցնել «Սիթի պարկ» ընկերության կետ կնքած պայմանագիրը։
Այսօր արդեն «Սիթի պարկ»-ի սեփականատերերը հանդես են եկել հայտարարությամբ՝ նշելով, որ նման որոշումը լավագույն օրինակն է, թե ինչպես է Վրաստանի կառավարությունը վերաբերվում օտարերկրյա ներդրողներին:
«Ամբողջ պետական ապարատը, ներառյալ կառավարության տարբեր ճյուղերը, օգտագործվել են կոնկրետ ուժերի կողմից և համակարգված են Վրաստանից անօրինական կերպով «Սիթի պարկ»-ին արտաքսելու նպատակով: Իշխանությունները անխիղճ կերպով վարվեցին, անտեսելով ներդրողի կատարած աշխատանքն ու այն հանգամանքը, որ ներկայումս առկա են երկու դատական գործեր, որոնցում «Սիթի պարկ»-ը վիճարկում է օրենքի խախտման անհեթեթ հայտարարությունները», — նշված է հայտարարության մեջ:
