Համացանցում վրաց օգտատերերի կողմից վերջին մի քանի օրերին քննադատական մեկնաբանություններով Enterprise Rent-A-Car կազմակերպության հայաստանյան գրասենյակի գովազդի նկարն է շրջանառվում, որտեղ Վրաստանը նշված է առանց Աբխազիայի և Հարավային Օսիայի: 

«Պարոն Միխեիլ.

Այս նամակով ցանկանում եմ հայտարարել, որ ՍՊԸ J.M.C-ն Enterprise Rent-A-Car միջազգային բրենդի դուստր կազմակերպություն է, որը վարձակալությամբ ավտոմեքենաներ է տրամադրում:

Մեր կազմակերպությունը Երևանում գտնվող իր խանութում գովազդի պաստառ է տեղադրել, որտեղ նշված է եղել Վրաստանի քարտեզը, որպեսզի մեր հաճախորդներին հնարավորություն տանք մեր կազմակերպության միջոցով ուղևորվել Թբիլիսի, ինչպես նաև` Թբիլիսիից Երևան: Մենք ցանկացել ենք Վրաստանի քարտեզ տեղադրել, որտեղ մանրամասներ նշված չէր լինի (քաղաք, շրջան և այլն), այլ քարտեզը կլիներ դրոշով պատկերված: Google-ից նման քարտեզ ներբեռնելու պահին ուշադրություն չենք դարձրել, որ այդ քարտեզը չի համապատասխանում Վրաստանի պաշտոնական սահմաններին: Հետևաբար, ցանկանում եմ անկեղծորեն ներողություն խնդրել  և հայտարարել, որ սխալ քարտեզով պաստառն այլևս հեռացվել է մեր գրասենյակից:

Միևնույն ժամանակ, ցանկանում եմ հայտարարել, որ մեր կազմակերպությունը հարգում է Վրաստանի միջազգայնորեն ճանաչված սահմանները: Հետևաբար, այս սխալմունքը, որը տեղի է ունեցել անմեղորեն, որևէ կերպ չի ներկայացնում մեր կազմակերպության և հայ հասարակության դիրքորոշումը:

Մոտ օրերս մենք նոր պաստառ կպատրաստենք այն քարտեզով, որը մեզ տրամադրել է Հայաստանում Վրաստանի դեսպանությունը և ձեզ կներկայացնենք նոր պաստառի լուսանկարը: Ցանկանում եմ շնորհակալություն հայտնել, որ ըմբռնում եք ստեղծված իրավիճակը:

Հարգանքներով`
ՍՊԸ J.M.C գլխավոր տնօրեն
Արսեն Սուքիասյան»։