Թուրքիայի արտաքին գործերի նախարար Մևլութ Չավուշօղլուն գործընկերներին կոչ է արել Ղարաբաղյան հակամարտությունը կարգավորելու նպատակով հատուկ հանձնախումբ կազմել
Չավուշօղլուն հայտարարել է, որ այդ հարցում պետք է գործել Իսլամական համագործակցության կազմակերպության շրջանակներում` հիմք ընդունելով ՄԱԿ-ի կողմից խնդրի վերաբերյալ ընդունված բանաձևերը: Այս մասին Թուրքիայի արտգործնախարարը հայտարարել է Ստամբուլում` Իսլամական համագործակցության կազմակերպության անդամ երկրների արտգործնախարարների խորհրդի նիստի ժամանակ:
Նա նշել է, որ Ղարաբաղյան հարցը պետք է լուծվի ամենակարճ ժամկետներում՝ հիմնվելով ՄԱԿ-ի անվտանգության խորհրդի բանաձևերի վրա, հաշվի առնելով «Ադրբեջանի տարածքային ամբողջականությունը, ինքնիշխանությունը և միջազգայնորեն ճանաչված տարածքները»:
Թուրքիայի արտաքին գործերի նախարարի խոսքերն է մեջբերում «kvira.ge»-ն:
