Ըստ Ուկրաինայի ոստիկանության և դատախազության տեղեկատվության, Կիևում գողության և ավազակային հարձակում կատարելու կասկածանքով ձերբակալվել են Վրաստանի 5 քաղաքացիներ:
Հետաքննության տվյալներով Կիևի Ստեփան Բանդերայի փողոցի վրա գտնվող ավտոսրահի մոտ 2017 թվականի նոյեմբերի 14-ին չարագործները հետևել են մեքենա գնել պատրաստվող տղամարդուն և կնոջը, բռնություն գործադրելով նրանցից խլել են պայուսակը, որտեղ եղել է 3,5 միլիոն գրիվնյա (ավելի քան 131 հազար ԱՄՆ դոլար):
Մեղադրյալներին հաջողվել է բռնել մի քանի ժամ հետո: Նրանցից առգրավվել է 4 ատրճանակ, մեծ քանակությամբ փամփուշտ, ձեռնոցներ, ապակիներ ջարդելու գործիքներ և 140 հազար գրիվնյա (ավելի քան 5 հազար դոլար), ինչպես նաև առերևույթ թմրամիջոցներ հիշեցնող նյութեր: Կատարվում է հետաքննություն:
