Թելավիի քաղաքային խորհրդի նիստի ընթացքում թեժ բանավեճը վերածվել է ծեծկռտուքի։ «Միացյալ ազգային շարժում» ընդդիմադիր կուսակցության պատգամավոր Բադուր Ռևազիշվիլիի և Գիորգի Մոսիաշվիլիի միջեւ բանավեճը վերածվել է ֆիզիկական բռնության։ Բախումը դադարեցվել է ոստիկանության աշխատակիցների կողմից։
Թելավիի սակրեբուլոյի նիստի ժամանակ իրավիճակի լարվելուց հետո, Սակրեբուլոյի նախագահը դիմել է ոստիկանությանը։ Քաղաքային խորհրդի նիստին մասնակցելիս են եղել Ռուիսպիրի և Իղալտո գյուղերի բնակիչները, ովքեր քաղաքային ժողովի օրակարգի փոփոխություն և վաճառված արոտավայրերի վերադարձի հարցի լուծում էին պահանջում։
Ի դեպ, նախօրեին համանման բախում էր տեղի ունեցել Վրաստանի մեկ այլ շրջանի` Զուգդիդիի քաղաքային խորհրդում: Մարտի 22-ին բախում էր տեղի ունեցել «Միացյալ ազգային շարժում» և «Եվրոպական Վրաստան» կուսակցության անդամների միջև։
Նյութի աղբյուր՝ interpressnews.ge
