«Ցավալի է, որ որոշ ընդդիմադիր կուսակցություններ փորձեցին այդ վանդալիզմի դրսևորումներն օգտագործել սեփական նպատակների համար»,- Բաթումիում անցած շաբաթավերջին ծավալված բողոքի ակցիաների մասին խոսելիս հայտարարել է Վրաստանի արտաքին գործերի նախարար Միխեիլ Ջանելիձեն: Նրա խոսքերով՝ կառավարությունը համարժեք է արձագանքել:
«Բոլորս տեսանք, որ ագրեսիան մեծ էր, գոյություն ուներ վանդալիզմի դրսևորում, որին Վրաստանի կառավարությունը համարժեք պատասխան է տվել: Առաջին հերթին, մեր բնակչությունը տեսավ, որ Վրաստանի կառավարությունն ուժը կիրառում է միայն ագրեսիայի ժամանակ»,-հայտարարել է Ջանելիձեն:
