Վրաստանի էներգետիկայի նախարարի պաշտոնում նշանակվել է Իլիա Էլոշվիլին: Այս մասին կառավարության հուլիսի 12-ի նիստի ժամանակ հայտարարել է վարչապետ Գիորգի Կվիրիկաշվիլին: Ինչպես նշել է վարչապետը, Իլիա Էլոշվիլին 2012 թվականից զբաղեցրել է Էներգետիկայի փոխնախարարի պաշտոնը և ակտիվ մասնակցություն է ունեցել իրականացվող բոլոր նախագծերում:
«Նա մի քանի ամսով արդեն զբաղեցրել է նախարարի պաշտոնը, ուստի նախարարի փորձ նույնպես ունի: Վստահ եմ, նա մեծ հաջողությամբ կկատարի մեր երկրի համար կարևոր նշանակություն ունեցող բոլոր առաջադրանքները: Ինչպես մասնավոր, այնպես էլ հանրային ոլորտում աշխատանքային մեծ փորձ ունի նա»,- հայտարարել է Կվիրիկաշվիլին:
Էներգեիկայի նախարարի պաշտոնը թափուր դարձավ, երբ նախարար Կախա Կալաձեն «Վրացական երազանքի» կողմից առաջադրվեց քաղաքապետի պաշտոնում:
