‹Եվրոպական Վրաստան» խմբակցության առաջնորդները Բրյուսելում հանդիպել են Եվրոպայի ժողովրդական կուսակցության ղեկավարների հետ: Քննարկման հիմնական թեման Վրաստանի եվրաինտեգրումն է: Զուգահեռաբար, ‹Եվրոպական Վրաստանը» սկսում է նաև Եվրոպայի ժողովրդական կուսակցությանն անդամակցության գործընթացները: Կուսակցությունում վստահ են, որ այդ գործընթացները հաջողությամբ կավարտվեն:
«Եվրոպայի ժողովրդական կուսակցության հետ կլինեն նոր անդամակցության գործընթացներ: Բոլոր առաջնորդները մեզ լավ ծանոթ են: Վրաստանի ապագային վերաբերող տարբեր տեսակետներ չկան: Այդ իսկ պատճառով վստահ ենք, որ գործընթացները կավարտվեն հաջողությամբ»,— հայտարարել է Գիգի Ծերեթելին:
